Osy aptanyń aıaǵynda tennısten Devıs kýboginiń pleı-off dodasy bastalady. 16-17 qyrkúıekte Qazaqstan quramasy Sofııada Bolgarııaǵa qarsy oınaıdy.
Búgingi tańdaǵy Bolgarııanyń basty juldyzy Grıgor Dımıtrov ekeni daýsyz. 32 jastaǵy Haskovonyń týmasy ár jyldary Ýımbldon (2014 jyly), Aýstralııanyń ashyq birinshiligi (2017) jáne US open (2019) dodalarynyń jartylaı fınalyna deıin jetip, ATR týrnırlerinde segiz ret top jardy. Kezinde álemdik reıtıngte úshinshi orynǵa deıin kóterilgen Dımıtrov qazirgi kezde 20 satyǵa jaıǵasty. Bir qýanyshtysy, dál osy oıynshy Devıs kýbogine qatysýdan bas tartty. Al bul jarysta Bolgarııanyń namysyn Dımıtar Kýzmanov (№178), Aleksandr Lazarov (№479), Iаnakı Mılev (№567), Petr Nesterov (№707) jáne Aleksandr Donskı (№809) qorǵaıdy.
Qazaqstan komandasy Sofııada mynadaı quramda kúsh synasady: Aleksandr Býblık (№29), Tımofeı Skatov (№121), Mıhaıl Kýkýshkın (№241), Aleksandr Nedovesov (№1038) jáne Andreı Golýbev. Sońynda atalǵan eki tennısshimiz juptyq saıysta óner kórsetedi.