Qate deklarasııany qalaı túzetemiz?

Deklarasııany elektrondy túrde tapsyrý merzimi 2023 jyldyń 15 qyrkúıeginde aıaq­talady. Deklarasııany myna resýrstarda tapsyrýǵa bolady: salyk.kz «Salyq tóleý­shiniń kabınetinde», Egov.kz elektrondyq úkimet portalynda jáne e-Salyq Azamat, eGov mobile, HALYK BANK mobıldi qosym­sha­larynda.     

Kópshilik atqaratyn shara bolǵannan keıin irili-usaq­ty qatelikterdiń ketetini zań­dylyq. Osy rette kóp adam Memlekettik kirister komı­te­tine «Men 250.00 nysan­daǵy deklarasııaǵa (jeke tul­ǵanyń aktıvteri men mindettemeleri týraly deklarasııa) aqparatty qate engizdim, derekterdi qalaı qaıtarýǵa nemese túzetýge bolady?» degen saýal joldap jatyr. Memlekettik kiris­ter komıtetiniń habarlaýyn­sha, deklarasııany 250.00 esep­tilik nysanyn «Sa­lyq tóleýshiniń kabıneti» ar­qy­ly («Salyq ótinishteri» bó­li­mi, budan ári «Salyq esep­tiligin keri qaı­taryp alý týra­ly ótinish»); Egov portaly («Keden jáne sa­lyqtar» bóli­mi, «Salyq salý»  bólim­she­si, «Deklarasııany keri qaı­taryp alý» qyzmeti) arqy­ly keri qaı­tarýǵa nemese túze­tý­ge bo­lady.

Deklarasııany toly­ǵy­men keri qaıtarý kelesi jaǵ­daı­larda júzege asyrylady: merzimi, ıaǵnı deklarasııa tap­sy­rylǵan esepti jyly durys kórsetilmegen bolsa jáne dek­larasııany tapsyrý bo­ıyn­sha is júzinde eshqandaı min­detteme joq bolsa.

«Eger siz deklarasııada qate jiberip, salyq organynyń kodyn, rezıdenttik mártebesin nemese salyq eseptiliginiń tú­rin durys emes kórsetken bol­sańyz, onda túzetý ádisi boıynsha deklarasııa keri qaıtaryp alynady (deklarasııa júıede qalady jáne ony tabystaý kúni ózgermeıdi). Basqa jaǵdaılarda, ıaǵnı siz san­darda qate jibergen máli­met­terdi (kirister, qolma-qol aqsha, jyljymaly/jyl­jy­maıtyn múlik jáne Qa­zaq­stan Respýblıkasynan tys­qary jerlerdegi banktik shottardaǵy aqsha jáne t.b. týraly) tolyq kórsetpegen bolsańyz, aıyr­mashylyqtyń somasyn nemese kórsetilmegen aqparatty «qo­symsha»  deklarasııany tabystaý arqyly túzete alasyz», delingen komıtet jaýabynda.