Bul týraly Memleket basshysy Ortalyq Azııa memleketteri basshylarynyń V Konsýltatıvtik kezdesýinde jasaǵan baıandamasynda aıtty, dep jazady Egemen.kz.
«Jasandy ıntellekttiń buryn-sońdy bolmaǵan damýy óndiris salasyn, eńbek naryǵyn jáne qyzmet kórsetý salasyn ózgertý mindetin qoıady.
Sarapshylardyń boljaýynsha, on jyldan keıin álemdegi ónimder men qyzmetterdiń 70 paıyzy sıfrlyq platforma úlgilerine negizdeledi. Sondyqtan bizdiń elderde sıfrlyq sheshimderdi qoldaný aıasyn júıeli túrde keńeıtý basymdyqqa aınalýy múmkin», dedi Prezıdent.
Memleket basshysynyń aıtýynsha, sıfrlyq sheshimder ekonomıkanyń barlyq salalaryna belsendi túrde engiziledi. Máselen, elimizde qolma-qol aqshasyz operasııalardyń úlesi 82 paıyzǵa jetti, memlekettik qyzmetterdiń 90 paıyzdan astamy elektrondy túrde kórsetiledi.
«О́tken jyldyń ózinde otandyq IT-salanyń eksport kólemi bes ese ósti. Biz bul kórsetkishti 2026 jylǵa qaraı bir mıllıard dollarǵa jetkizýdi kózdep otyrmyz. Qazaqstan osy strategııalyq mańyzdy salada jaqyn kórshilerimen yntymaqtastyqty jan-jaqty nyǵaıtýdy jaqtaıdy», dedi Q.Toqaev.