Erteń Serbııa astanasy Belgrad qalasynda kúres túrlerinen álem chempıonaty bastalady, dep habarlaıdy Egemen.kz.
Kelesi jyly ótetin Parıj jazǵy Olımpıadasyna joldama úlestiriletin álem chempıonatynda balýandarymyzdyń arasynan alǵash bolyp 61 keli salmaqta Dastanbek О́simjan kilemge shyǵady. Dastanbek jazda Vengrııada ótken reıtıngtik týrnırde kúmis júldeger atandy.
Sonymen qatar erteń erkin kúresten 70, 86, 125 keli salmaq dárejesindegi balýandar da álem chempıonatynda baqtaryn synaıdy.
Serbııa eli kúres túrlerinen baıraqty dodany qatarynan ekinshi márte uıymdastyryp otyr. Byltyr da Belgradta álemniń úzdik balýandary beldesýge túsken bolatyn.