«Qazgıdromet» RMK 16-18 qyrkúıekke arnalǵan aýa raıy boljamyn jarııalady, dep habarlaıdy Egemen.kz.
Sınoptıkter usynǵan málimetke qaraǵanda, aldaǵy demalys kúnderi respýblıkanyń basym bóliginde jańbyr jaýyp, naızaǵaı oınaıdy, keı óńirlerde ekpindi jel soǵady.
«Soltústik-batysta jáne ońtústik-shyǵysta burshaq jaýýy múmkin, respýblıkanyń ońtústik-shyǵysyndaǵy taýly aımaqtarda túnde qar aralas jańbyr jaýýy yqtımal. Elimizdiń soltústik-batysynda, soltústiginde jáne shyǵysynda túnde jáne tańerteń tuman túsedi», delingen habarlamada.
Elimizdiń basym bóliginde aýa temperatýrasy túnde 2-12, kúndiz 15-23 gradýs jyly bolady.
Ońtústikte jáne ońtústik-shyǵysta jyldyń osy ýaqytyna saı salystyrmaly túrde qolaıly bolady: túnde 10-15, taýly aımaqtarda 0-5 gradýs, kúndiz 20-28 gradýs jyly bolady.