«Ispanııa Výeltasy» óz máresine jaqyndap qaldy. 20-kezeńde Nıderlandtyń veloshabandozy Vaýt Pýlstyń («Bahrain-Victorious») ekpinine eshkim shydamady.
Mansanares-el-Real men Gvadarrama eldimekenderiniń aralyǵy 207,8 shaqyrymdy quraıdy. Bul qashyqtyqty Vaýt Pýls 4 saǵat 59 mınýt 29 sekýndta júrip ótti. Ekinshi jáne úshinshi satyǵa belgııalyq Remko Evenepýl («Soudal – Quick Step») men ıspanııalyq Pelaıo Sanches («Burgos-BH») jaıǵasty. Jalpy eseptegi jaǵdaı burynǵysha: amerıkalyq Sepp Kýss – birinshi, danııalyq Ionas Vıngegor – ekinshi jáne slovenııalyq Prımoj Roglıch – úshinshi oryndardy ıelenýde. Kósh basyndaǵy sańlaqtardyń barlyǵy da – Nıderlandtyń «Jumbo-Visma» klýbynyń músheleri. «Astananyń» úzdigi Andreı Zeıs 47-satyǵa turaqtady.
Al Italııada Emılııa-Romanıa aımaǵynda ótken Marko Pantanı memorıalynda elimizdiń veloshabandozy Alekseı Lýsenko bas júldeni oljalady. 193,3 shaqyrymdyq qashyqtaǵy onyń kórsetkishi – 4 saǵat 21 mınýt 32 sekýnd.