Prezıdent Qasym-Jomart Toqaev jaqyndaǵy halyqqa Joldaýynda aýyl sharýashylyǵy tehnıkasyn jańartý qarqynyn arttyrýdy tapsyrǵan edi, dep habarlaıdy Egemen.kz Úkimettiń baspasóz qyzmetine silteme jasap.
Búgin Úkimet otyrysynda aýyl sharýashylyǵy tehnıkasynyń lızıngine «Jasyl Damý» AQ qarajatynan 20 mlrd teńge bólinetini aıtyldy.
Bólingen qarajatqa fermerler lızıngke 500-den astam tehnıka, shamamen 80 kombaın jáne 450 traktor satyp ala alady.
Aıta ketý kerek, lızıngke tehnıkalyq reglamentterde belgilengen ekologııalyq talaptarǵa saı keletin jáne barlyq qajetti sáıkestik sertıfıkaty bar tehnıka beriledi.
Aýyl sharýashylyǵy mınıstrliginiń derekteri boıynsha jalpy aýyl sharýashylyǵy tehnıkasynyń jeńildetilgen lızınginiń jyl saıynǵy kólemi 170 mlrd teńgeden asady.