SARAPTAMA – SAPA KEPILI

Májiliste “Zań jobalaryn saraptamadan ótkizý sapasyn jetildirý” degen taqyrypta halyqaralyq dóńgelek ústel ótti, dep habarlady osy palatanyń baspasóz qyzmeti. Ony “Nur Otan” HDP ja­nyn­daǵy Quqyqtyq keńes jáne Májilistiń Zańnama jáne sot-qu­qyqtyq reforma komıteti uıym­dastyrdy. Astanadaǵy EQYU ortalyǵynyń basshysy Alek­sandr Kelchevskıı  betashar sóz sóıledi. Jıylysqa Májilis depýtaty, “Nur Otan” HDP janyndaǵy Qu­qyqtyq keńes tóraǵasy Nur­lan Ábdirov moderatorlyq ja­sa­dy. Ádilet mınıstriniń oryn­ba­sary, Quqyqtyq keńes múshesi Dýlat Qusdáýletov, “Nur Otan” HDP Parlamentarızm ınstı­tý­ty­nyń dırektory Bolat Baı­qa­da­mov, Májilis depýtaty Murat Ábenov, t.b. pikirtalasqa qaty­syp, oı bólisti. Dóńgelek ústeldiń maqsaty – zań jobalaryn sybaılas jem­qor­lyqqa qarsy, ekologııalyq, krımı­nologııalyq jáne basqa túrlerdegi saraptamadan ótkizý sapasy boıyn­sha máselelerdi talqylaý boldy. Onyń jumysyna Parlament depýtattary, Prezıdent Ákim­shi­liginiń, Úkimet, mınıstrlikter men vedomstvolardyń, halyq­ara­lyq jáne úkimettik emes uıym­dar­dyń ókilderi, ǵalymdar men sarapshylar qatysty.