О́tken jeksenbi kúni Almatyda 3h3 basketboldan halyqaralyq «Almaty Quest» týrnıri óz máresine jetti.
Eki kúnge jalǵasqan básekede Reseıden kelgen «Rýna» komandasynyń baǵy jandy. Olar bas júlde úshin ótken oıynda qatarlyq «Al Shamal» komandasymen sheberlik baıqasyp, týrnır jeńimpazy atandy. Al qola júlde úshin ótken kezdesýde Belarýs basketbolshylary myqtylyq tanytty. «Mınsk» komandasy elimizdiń «IMS Astana» ujymyn tize búktirip, halyqaralyq týrnırdiń qola júldesin qanjyǵasyna baılady.
Týrnırdiń marapattaý rásimine FIBA 3h3 basqarýshy dırektory Aleks Sanchez qatysyp, jarystyń joǵary deńgeıde ótkenin atap kórsetti. Aıta keteıik, 3h3 basketbolynan «Almaty Quest» halyqaralyq týrnırine elimizdiń alty komandasy men alys-jaqyn shetelden kelgen 10 klýby óner kórsetti. Jarys jeńimpazy atanǵan reseılik «Rýna» komandasy «Chengdu Masters» álemdik týrynyń joldamasyna ıe boldy.