Nesip JÚNISBAIULY, Qazaqstannyń eńbek sińirgen qaıratkeri: Saltanatty ashylý jarqyn jeńisterge bastasa ıgi

Dálirek aıtsaq, sonyń jal­ǵasy deýge turatyndaı. Búginde ilgeri ketken dúnıedegi jaryq­ty paıdalaný ádisteriniń shyńy­na jetken qytaılyqtar stadıon-sahnada eki saǵattaı teńdes­siz spektakl jasady. Mundaı keshendi jarys shartyna saı sherýge shyqqan sportshylar arasynda Qazaqstan toby sany jaǵynan shamamen 2-5 oryndarda bolǵan shyǵar. Bul ázirge sportshylar qarasyna baıla­nysty nátıjemiz. Endi alda sony sapaǵa aınaldyryp, sporttyq nátıje jaǵynan sol oryndarda bolý mindeti tur.

Mundaı ja­rystyń myńyn kórgen táji­rı­beli jýrnalıst retinde elimiz jarysqa jibergen 524 sportshyny tym kóp dep oılaımyn. Árıne, olardyń bári jarysqa joldama jeńip alǵany belgili. Áıtse de, joldama jeńip alý basqa da, el atynan olardy keshendi jarys­qa attandyrý bólek. О́rkenıetti elderde joldama alǵan sportshylardy túgelimen sypyra Olımpıadaǵa attandyra salýǵa bolmaıdy. Elde ǵylymı-zertteý sarapshylar toby qurylyp, sportshylardyń bul jarystaǵy múmkindigi sarapqa salynyp, quryǵanda 1-20 oryndarǵa ili­nedi-aý degen sportshylardy ǵana topqa qosqan abzal. Árıne, jas, talantty joldama jeńip alǵan sportshylardy da oıyndarǵa tá­jirıbe jınaqtaý maqsatynda aparý kerek. Ony da sarapshylar toby sheshkeni jón.

Sol 524 sportshynyń bári Hanchjoýǵa qorjyn arqalap at­tandy. Erteń sonyń túgelge jýy­ǵy bos qaıtsa, kóbisi 20-40 oryn­dar alyp jatsa, eldigimizge syn emes pe? Ol kúnderi «Biz Azııa oıyndaryna 524 sportshy attandyrdyq», degen maq­tan dalada qalady. Onyń ús­ti­ne, ár adam mundaı saparda mıl­lıondaǵan teńge qarjy jum­saıtyny belgili. Mem­le­ket qarjysyn bosqa shashpaý máselesin de umytpaǵan abzal. Biz aıtqan oıǵa dálel kóp. О́zimizben kórshi, halqynyń sany bizden edáýir kóp О́zbekstan eli bul oıyn­darǵa 350 ǵana sportshy jiberipti. Esesine olar Azııa oıyn­daryn keń nasıhattaýǵa 35 jýrnalıst attandyrǵan. Bul jaǵynan da biz utylyp tur­myz. Hanchjoýǵa kelgen otan­dyq qalam, mıkrofon sheberleri jıyrmaǵa jetpeıdi. Bul báseke emes, biraq bolashaq talant­ty jastardy sportqa tartý úshin balalar sport mektepteri qan­daı qajet bolsa, sportty nası­hattaý týra sondaı bolsa kerek. Bul oılar erteń bári aıaqtalǵanda bil­gishsinip, nege bulaı, nege olaı demeý úshin erte aıtylyp ja­tyr. Nıetimiz de aq. El namysy men ult bolashaǵy oılandyrǵan soń kelgen usynystar ǵoı. Estıtin qulaq tabylatynyna degen úmit­pen aıtyp jatyrmyz.

Hanchjoýdaǵy XIX jazǵy Azııa oıyndary tamasha ashyldy. Endi osyndaı tamasha nátıje­ler el sportshylary qatys­qan ja­rystarda da jańbyrsha ja­ýyp jatsa ǵoı. Sol kezde biz­diń daýys ta jarqyn-jarqyn shy­ǵady.