Ortalyq saılaý komıssııasynyń tóraǵasy Nurlan Ábdirovtiń basshylyǵymen komıssııa otyrysy ótti.
Jıynda Parlament Senatynyń depýtaty Darhan Qydyrálini tirkeý týraly qaýly qabyldandy.
– «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańnyń 24-babynyń 1-tarmaǵyna sáıkes jáne Qazaqstan Respýblıkasy Prezıdentiniń «D.Q.Qydyrálini taǵaıyndaý týraly» 2023 jylǵy 26 qyrkúıektegi №360 Jarlyǵynyń negizinde Qazaqstan Respýblıkasynyń Ortalyq saılaý komıssııasy qaýly etti. Ol boıynsha Parlament Senatynyń depýtaty bolyp Darhan Qýandyquly Qydyráli tirkelip, depýtatqa tıisti kýálik jáne omyraýǵa taǵatyn belgi tapsyryldy, – dedi jıynda OSK basshysy Nurlan Ábdirov.
Munan keıin OSK tóraǵasy jańadan taǵaıyndalǵan senatorǵa belgilengen úlgidegi kýálik pen omyraý belgisin tabystap, depýtattyń ókilettigi Ortalyq saılaý komıssııasy ony tirkegen sátten bastalatynyn atap ótti.