29 qyrkúıekte jáne 1-3 qazan aralyǵynda Qazaqstan-Qytaı shekarasyndaǵy ótkizý pýnktteri jumys istemeıdi. Bul týraly Memlekettik kirister komıtetiniń baspasóz qyzmeti habarlady, dep jazady Egemen.kz.
«Qytaı Halyq Respýblıkasyndaǵy mereke kúnderine baılanysty osy jylǵy 29 qyrkúıekte jáne 1-3 qazan aralyǵynda Qazaqstan-Qytaı shekarasyndaǵy avtomobıl ótkizý pýnktterinde tulǵalardyń kólik quraldary men júkteri ótkizilmeıdi. Biraq Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady», delingen habarlamada.
Komıtet tasymaldaýshylarǵa jáne shekaradan ótýge nıet bildirýshilerge atalǵan ózgeristerdi eskere otyryp, jol baǵdaryn aldyn-ala josparlaý qajet ekendigin eskertedi.