Qazaqstanda jyl saıyn 20 myńnan astam bala shala týylady. Aıy-kúni jetpeı týǵan nárestelerdiń salmaǵy az, denesi judyryqtaı ǵana, terisi asa názik ekendigin eskersek, bul sábılerge erekshe dárigerlik baqylaý men medısınalyq prosedýralar ǵana emes, kúndelikti erekshe kútim de qajet, dep habarlaıdy Egemen.kz.
Osy máselege oraı Pampers Qazaqstandaǵy Qyzyl jarty aımen birlese otyryp, merziminen erte týǵan sábılerdi qoldaý maqsatynda «Eń kishkentaılarǵa úlken qamqorlyq!» qaıyrymdylyq baǵdarlamasyn iske qosty. Osy bastamanyń arqasynda shala týǵan sábılerge arnalǵan arnaıy jórgekter Qazaqstannyń alty iri perınataldyq ortalyqtary men balalar aýrýhanalaryna tegin beriledi, sondaı-aq osy pampersterdi satýdan túsken qarajat shala týǵan balalardy ońaltýǵa aýdarylady.
Zertteýlerge sáıkes, jańa týǵan nárestelerge arnalǵan qarqyndy terapııa bólimshelerindegi medbıkelerdiń 99%-y ádettegi jórgekter dene salmaǵy óte tómen sábılerge jaramaıtyndyǵyn aıtady. Bul nárestelerdiń terisi óte sezimtal bolǵandyqtan, osy sábılerge arnalǵan jórgekterdiń ólshemimen birge ylǵaldy syrtqa aǵyzbaı, lezde sińirip alatyn materıaldyń óte juqa ári barynsha jumsaq bolýy óte mańyzdy.
Salmaǵy 800 gramnan da az, úsh ólshemdegi shaqalaqtarǵa osyndaı jórgekterdi jasaý úshin Pampers Preemie Protection biraz jumys atqarǵan. Tıtteı jórgekter talaı zertteýler men qarqyndy terapııa bólimshesiniń pedıatrlary, medbıkelerimen tyǵyz baılanysta jumys isteýdiń nátıjesi paıda bolǵan.
«Shala týylǵan náresteler úshin anasynyń qursaǵynan tys ómirge beıimdelý merzimi uzaǵyraq ári qıyn bolǵandyqtan, olar úshin ómirdiń alǵashqy aptalarynda erekshe kútim jasaý kerek. Bizde osy baǵdarlamanyń arqasynda aıy-kúni jetpeı týylǵan balalarǵa kóbirek kóńil bólýge jáne qamqorlyq jasaýǵa múmkindik paıda bolǵanyna óte rızamyz», deıdi Perınatologııa jáne balalar kardıohırýrgııasy ortalyǵynyń neonatologııadaǵy medısınalyq qyzmetter sapasyn baqylaý bóliminiń basshysy Lázzat Ońalbaeva.
Osy qıyn kezeńde ata-analarǵa da qoldaý kórsetý mańyzdy. Mundaı jaǵdaıdy ótkergen basqa ata-analardyń tájirıbesi, sátimen ońalǵan sábılerdiń oqıǵasy – tıisti qamqorlyq tanytýda áke-sheshelerge dem beredi.
Osy oraıda shala týylǵan nárestelerdiń ata-analaryna qoldaý kórsetý úshin alty balanyń anasy, tanymal isker hanym ári qoǵam qaıratkeri Vıktorııa Momynbaeva óz tájirıbesimen bólise kele: «Aıaǵym aýyr bolǵan kezder – men úshin saıabyr tabatyn ýaqyt. Bul kezde men asyqpaı, tynyshtalyp, kóp jatamyn. Bul rejım maǵan óte qajet. Alty bala tapsam, júktiligimniń barlyǵy derlik óte qıyn boldy, olardy saqtaý úshin talaı ret aýrýhanada jatýǵa týra keldi. Úshinshi ulym merziminen buryn týylyp, jıyrma kún boıy perzenthanada jatty. Sútimdi saýyp, dárigerler ony balanyń asqazanyna gramdap engizgen bolatyn. Bul bizdiń otbasymyz úshin óte qıyn kezeń edi. Ásirese shala týǵan sábılerge ata-analardyń odan da kóp kútimi men nazary qajet. Men osy qaıyrymdylyq baǵdarlamasyna qosylǵanyma qýanyshtymyn. Bul qoldaý balalarǵa óte qajet», deıdi.