Astanada 12-13 qazanda Ortalyq Azııadaǵy eń iri IT-forým – «Digital Bridge 2023» ótedi. Halyqaralyq forýmǵa Memleket basshysy Qasym-Jomart Toqaev, álemdik kompanııalardyń jetekshileri, IT-ınnovasııa salasyndaǵy úzdik halyqaralyq jáne otandyq sarapshylar, óńirlerdiń túkpir-túkpirinen venchýrlyq ınvestorlar qatysady dep kútilip otyr.
Forýmda 20 myń qatysýshy, 300 kompanııa, 100 ınvestor, 250 spıker jáne álemniń 15 elinen 100 startap ókili bas qosady. Sıfrlyq damý, ınnovasııalar jáne aeroǵarysh ónerkásibi mınıstrligi aqparattyq tehnologııalar salasyn damytý departamentiniń dırektory Ersultan Ermanov forým ınnovasııalyq ıdeıalar men startap-jobalardy jańa naryqqa shyǵaratyn mańyzdy is-shara ekenin atap ótti. Álemdik bastamalarǵa qatysý tehnologııalyq ındýstrııanyń damýyna eleýli áser etip, kásipkerler úshin jańa múmkindik týdyratyny anyq. «Digital Bridge» – ınnovasııa men tehnologııadaǵy yntymaqtastyqty nyǵaıtatyn biregeı alań.
– Bul is-sharaǵa qatysýshylar halyqaralyq seriktestikterdi qurýǵa, tájirıbe men bilim almasýǵa, sondaı-aq áleýetti ınvestorlar men qarjy ınstıtýttarynyń aldynda ózderiniń ınnovasııalyq jobalaryn usynýǵa múmkindik alady. Bul aýqymdy jıyn sońǵy tehnologııalyq trendter men salanyń damýy týraly habardar bolýǵa múmkindik beredi. Forýmnyń bir maqsaty – iskerlik yntymaqtastyq aıasyn keńeıtý jáne qundy bıznes-áriptestik ornatý, – dedi Ersultan Ermanov.
Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń pikirinshe, «Digital Bridge 2023» tehnologııa men adam áleýeti arasyndaǵy tepe-teńdikti qalaı tabýǵa bolatynyn talqylaıtyn tamasha alańǵa aınalady.
– Bul forým sala mamandary men sarapshylaryna óz bilimderimen bólisýge múmkindik beredi. Osy arqyly adamzatqa jasandy ıntellekt qyzmet etetin bolashaqty birlesip qurýǵa jol ashady. Elimiz osy baǵytta ınnovasııalyq ósýdiń joǵary áleýetine ıe bolyp otyr. Qazirgi tańda elimizde ǵalymdar men jas talanttardyń shoǵyrlanýy úshin qolaıly jaǵdaı jasalyp jatyr. Azamattarymyzdyń ártúrli salada ázirlegen jasandy ıntellekt ónimderi bar, olar qazirdiń ózinde álem nazaryn aýdaryp otyr. Biz muny sózsiz, maqtan tutamyz. Jasandy ıntellekt ekonomıkany, ónerkásipti, ǵylym men tehnıkany damytýda zor áleýetke ıe, – degen edi Baǵdat Mýsın.
«Digital Bridge» eki kúndik baǵdarlamadan turady. Memleket basshysynyń qatysýymen ótetin plenarlyq otyrys, halyqaralyq spıkerlermen paneldik sessııa, Google for Startups is-sharalary ótedi. Úzdik startaptar men ınnovasııalyq jobalarǵa jáne kásipkerlerge halyqaralyq syılyqtar beriledi. Atalǵan forým bes jyl qatarynan elordada ótkizilip júr. Osy jyldar ishinde úzilmes úrdiske aınaldy. Al IT qaýymdastyqtyń taǵatsyzdana kútetin eń qyzyqty oqıǵasy – úzdik IT startaptar jarysy. Ony «Astana Hub» ótkizedi. Jeńimpazdar úsh atalym boıynsha marapattalady. Júlde qory – 125 myń dollar.
– Osy oraıda, «Digital Bridge 2023» forýmynyń eń mańyzdy ári qyzyqty oqıǵalaryna sholý jasaǵym keledi. Forýmdaǵy mańyzdy sátterdiń biri – «Digital Bridge Awards»-qa qatysty bolmaq. Bul halyqaralyq marapat úzdik startaptarǵa, ınnovasııalyq jobalarǵa jáne kásipkerlerge beriledi. Bıyl is-sharaǵa qatysýǵa otandyq kompanııalar ǵana emes, Ortalyq Azııa elderiniń kásiporyndary da shaqyryldy. Búgingi tańda biz osy marapatqa úmitkerlerden 350-den asa ótinim qabyldadyq. «Digital Bridge Awards 2023» jeńimpazdary 8 atalym boıynsha anyqtalady, – dedi «Astana Hub» basqarýshy dırektory Alına Ábdirahmanova.
Memleket basshysy jasandy ıntellekti damytýǵa basa nazar aýdaryp, jetekshi halyqaralyq kompanııalarmen yntymaqtastyq ornatýdyń mańyzyn da jıi aıtady. Jasandy ıntellekt múmkindigin durys qoldana alsaq, ekonomıkaǵa tıer paıdasy orasan.