Qazaqstannyń Reseıdegi Tótenshe jáne ókiletti elshisi Dáýren Abaev Reseı Prezıdenti ákimshiligi basshysynyń birinshi orynbasary Alekseı Gromovpen kezdesti.
Kezdesý barysynda aldaǵy joǵary deńgeıdegi is-sharalardy talqylady. О́ńirlik ıntegrasııalyq birlestikterdi qosa alǵanda, Qazaqstan men Reseıdiń ekijaqty jáne kópjaqty formattaǵy yntymaqtastyǵynyń ózekti máseleleri sóz boldy. Taraptar Qazaqstan men Reseı kóshbasshylary arasynda qol jetkizilgen ýaǵdalastyqtardy iske asyrý boıynsha júıeli jáne dáıekti jumystyń mańyzdylyǵyn atap ótti.
Sondaı-aq D.Abaev Reseı Federasııasy Syrtqy ister mınıstriniń orynbasary Andreı Rýdenkomen kezdesti. Kópjaqty alańdar, atap aıtqanda, Shanhaı yntymaqtastyq uıymy (ShYU) jáne Azııadaǵy ózara yqpaldastyq jáne senim sharalar keńesi (AО́SShK) aıasyndaǵy ózara is-qımyl máseleleri talqylandy. Taraptar qazirgi ýaqytta elimiz tóraǵalyq etetin ShYU kún tártibindegi kóptegen másele boıynsha ustanymdardyń sáıkes keletindigin rastady.