Boksshy Karına Ibragımova Hanchjoýdaǵy (Qytaı) HIH jazǵy Azııa oıyndarynyń fınalyna shyǵyp, kelesi jyly ótetin Parıj jazǵy Olımpıadasynyń joldamasyna qol jetkizdi, dep habarlaıdy Egemen.kz Týrızm jáne sport mınıstrligi Sportty damytý dıreksııasynyń baspasóz qyzmetine silteme jasap.
57 keli salmaqta synǵa túsken Karına jartylaı fınalda Mıdjona Samadovany utty. Endi jazǵy Azııa oıyndarynyń altyn medali úshin jekpe-jekte Taıbeı boksshysyna qarsy aıqas ótkizedi. Azııa chempıony, álem birinshiliginiń úsh dúrkin júldegeri 27 jastaǵy Karınanyń enshisinde jazǵy Azııa oıyndarynyń altyn medali joq. Olqylyqtyń ornyn bútindeý óz qolynda.