Búgin Azııa oıyndarynda Qazaqstannyń karate jáne djıý-djıtsý sheberleri saıystaryn bastady, dep habarlaıdy Egemen.kz.
Búgin, el quramasynan Nurqanat Ájiqanov alǵashqy jekpe-jeginde nepaldyq qarsylasymen básekege túsedi. Al Laýra Áliqul jartylaı fınalda saıysqa túsedi.
Sondaı-aq djıý-djıtsý sportynan Aldııar Serik, Mansur Habıbýlla, Darhan Nortaev, Nurjan Batyrbekov, Nazgúl Rahaeva, Ásemhan Isahanova Azıadadaǵy bastapqy kezeńderdegi saıystaryn ótkizedi.
Oǵan qosa grek-rım kúresinen Islam Ýmaev pen Álimhan Syzdyqov shırek fınal joldamasyn sarapqa salady.
Áıelder kúresinen Svetlana Ankıcheva, Marına Sedneva jáne Emma Tısına boz kilemge shyǵady.
Aıta ketsek, búgin bokstan erler men áıelder arasynda básekeler bolady. El quramasynan Qamshybek Qońqabaev (92 keliden joǵary) jáne Karına Ibragımova (57 keli) fınalda oıyn kórsetedi.
Qazaqstan veloshabandozdary Alekseı Lýsenko, Evgenıı Fedorov, Dmıtrıı Grýzdev jáne Gleb Brýsenskıı toptyq saıysta synalady.
Qazaqstan sportshylary esý slalomynda saıysqa tússe, gandboldan Qazaqstan áıelder quramasy 3-oryn úshin Qytaımen oınaıdy.
Búgin jeńil atletıka baǵdarlamasy aıaqtalady.
El quramasynda 5 altyn, 11 kúmis, 35 qola, barlyǵy 51 medal bar. Qazaqstan medaldar kestesinde 13-orynda tur.