Ulybrıtanııalyq áıgili veloshabandoz Mark Kavendısh taǵy bir maýsym «Astana Qazaqstan Team» komandasynda óner kórsetetin boldy. Bul týraly veloklýbtyń baspasóz qyzmeti habarlady.
Bıyl jyl basynda birjyldyq kelisimshartpen «Astana» jeıdesin kıgen velosport tarıhyndaǵy eń úzdik sprınterdiń biri Mark Kavendısh mamyr aıyndaǵy «Djıro d’Italııa» Grand-týrynan keıin jyl sońynda karerasyn aıaqtaıtynyn málimdegen edi. Biraq kúni keshe «Astana Qazaqstan Team» velokomandasynyń bas menedjeri Aleksandr Vınokýrov Mark Kavendısh kelisimge kelgenin málimdedi. Sóıtip, brıtanııalyq veloshabandoz 2024 jyldyń sońyna deıin «Astana» sapynda óner kórsetedi.
Bıyl Mark Kavendısh elordalyq komandanyń quramynda birneshe dodaǵa qatysyp, úsh birdeı jarystyń júldegeri atanǵan-dy.