Qaısar jandarǵa arnalǵan keshen

Bul ortalyqta negizinen omyrt­qanyń túrli jaraqat­tary­nan, ınsýlttan, balalardyń se­rebraldy sal aýrýy kezinde, I-III toptaǵy múgedektikten keıin ońaltý júrgiziledi. Memlekettik tapsyrys arqyly oblystyq bıýdjetten halyqqa osy ortalyqta tegin negizde ońaltý qyzmetterin kórsetý úshin 80 mln teńge bó­lingen. Jylyna 400-ge deıin adam qabyldaı alady.

Mańyzdy áleýmettik nysan­nyń ashylýyna oblys ákimi Beıbit Isabaev qatysyp, ortalyqtyń bas­shysy ári negizin qalaýshy El­dos Baıalyshbaevqa alǵysyn bil­dirdi:

«Búgin biz Taldyqorǵan qala­synda «Asar» ońaltý kesheniniń ashylǵanyna kýá bolyp otyrmyz. Bul ońaltý ortalyǵy erekshe qajettilikteri bar halyqqa sapaly qyzmet kórsetýge járdem­desedi dep sanaımyn. Barshaǵa kedergisiz, qoljetimdi orta qurý – memlekettik saıasattyń mańyzdy baǵyty jáne búkil qoǵamnyń mindeti. Bul týraly Memleket basshysy únemi aıtyp otyrady. Bıyl 162 áleýmettik nysandy beıimdeýge 472,6 mln teńge bólindi. Budan ári osy baǵyttaǵy jumys jalǵasady, dedi B.Isabaev.

Jalpy, óńirde múmkindigi shekteýli jandarǵa qoǵammen qatar ómir súrý úshin jaǵdaı ja­salyp keledi. Máselen, bıyl Tal­dyqorǵanda «Qamqorlyq» qorymen birlesip aýtızmi jáne basqa da aqyl-oı kemistigi bar balalarǵa arnalǵan ortalyq ashylǵan. Qazir onyń bazasynda 18 jastan asqan azamattar úshin de jaǵdaı jasaý josparlanyp otyr. Odan bólek, Alakól aýda­nynyń Aqshı aýylynda, shıpaly kóldiń jaǵasynda bıyl kúrdeli jóndeýden ótken aýdandyq rezıdensııa bazasynda jazǵy demalys úshin balalardy ońaltý lageri ashyldy. Osy jazda 140 bala demalǵan. Buǵan qosa Balqash kóliniń jaǵasynda da osyndaı ortalyq salý josparda bar. Eń ǵajaby onda qabyldaıtyn adam sany Alakóldegi lagerden kó­birek bolady. Bul úshin aldymen joldy aıaqtap, sodan keıin ın­jenerlik ınfraqurylym salý qajet. Qazir soǵan saı óńirde jumystar júrip jatyr.

Taldyqorǵanda ońaltý qyz­metteri 300 adamǵa kórsetilip otyr­sa, sonyń 54-i – bala. Osy izgi­likti istiń basynda júrgen ońal­tý ortalyǵynyń basshysy El­dos Baıalyshbaevtyń eńbegi zor. Oǵan oblys basshysy jurtshylyq atynan alǵysyn bildirdi.

«Men bul ortalyqta bolǵan­myn. Búgin ashylýy ótkizilip otyrǵanyna qýanyshtymyn. Biz óz tarapymyzdan qoldaý kórsetýdi jalǵastyramyz. Munda gaz tartyp beremiz, shamamen 1,5 aı ishinde jumysty aıaqtaımyz. Osyndaı ortalyqtar erekshe kútimge muq­taj azamattardyń áleýmettik-turmystyq ortaǵa beıimdelýine, sondaı-aq kórsetiletin ońaltý qyzmetteriniń sapasyn arttyrýǵa yqpal etetinine senimdimin», de­gen B.Isabaev budan ári Eń­bek jáne halyqty áleýmettik qorǵaý mınıstriniń quttyqtaý je­delhatyn oqyp berdi. Onda E.Baıalyshbaevtyń áleýmettik qor­­ǵaý isine qosqan úlesi atalyp óti­lip, ortalyq basshysy men ujy­mynyń atyna tilekter joldandy.

Qatysýshylardy ortalyqtyń ashylýymen Taldyqorǵan qala­synyń «Er» tirek qımyl júıesi zaqymdanǵan múgedekterdiń qo­ǵam­dyq birlestiginiń tóraǵasy, qalalyq máslıhat depýtaty Roza Aqjarkenova quttyqtady.

«Eldos, seniń bizdiń qala­myzda bolǵanyńa rızamyn. Bári ne­den, qalaı bastalǵanyn bi­le­miz jáne osyndaı jaǵdaıǵa jetip otyrǵanyń – ózińniń qa­jyr­ly eńbegińniń nátıjesi. Kó­bisi ortalyqqa arbamen kirip, ońal­týdan keıin baldaqpen shy­ǵady. Eldosqa qoldaý kórsetip, jobany júzege asyrýǵa kó­mek­teskenderdiń barlyǵyna shyn jú­rekten alǵys bildiremin, óıt­keni bul jaı ǵana paıdaly is qana emes, naǵyz ıgi, izgi is. Den­­derińiz saý bolsyn, ómirdi ba­ǵa­lańyzdar jáne bir-birińizge qam­qor bolyńyzdar», dedi R.Aq­jarkenova.

Odan keıin ortalyqtyń dırektory E.Baıalyshbaev qoldaý kórsetken árbir azamatqa alǵysyn aıtyp, ortalyqtyń qurylý tarıhynan syr tartty.

«2015 jyldan bastap osy jobany iske asyra bastadym, úsh jyl qatarynan «Sábı» qorynyń «óz bıznesińdi qur» konkýrsyna qatystym. Úshinshi jyl degende jeńiske jettim. Sonymen qatar ár jyldary Japonııa elshi­liginiń jabdyq satyp alýǵa be­riletin «Shóp tamyrlary» grantyn eki ret jeńip aldym. Aıtpaqshy, halyqaralyq grantty bir adamnyń eki ret utýy álemdegi ekin­shi jaǵdaı eken. Bul zamanaýı jetildirilgen jabdyqty satyp alýǵa úlken qoldaý boldy. «Damý» qorynyń jeńildik sharttary bar kredıttik qarajatyn da paıdalandym. Ákimdik maǵan qurylys salatyn jer telimin berdi. Jal­py, kóp ýaqyt ketti, qanshama kúsh jumsalyp, jumys isteldi. Sonyń bári nátıjesin berdi. Búgin ortalyq resmı túrde ashylyp otyr. Biz habarlasqandardyń barlyǵyna kómektesýge tyrysamyz. Osy múmkindikti paıdalana otyryp, óz ujymyma alǵysymdy bildiremin. Bastapqyda bizde 4-5 adam ǵana jumys istegen, qazir olardyń sany 30-ǵa jýyqtady. Sizder bolmasańyzdar, osyndaı jetistikke jetpes edim», dedi E.Baıa­­lyshbaev.

О́ńir ákiminiń baspasóz qyz­metiniń málimetinshe, «Asar» sporttyq-ońaltý ortalyǵy ǵı­ma­ratynyń jalpy aýdany 700 sharshy metrdi quraıdy. Fızıo­terapııa, kınezoterapııa kabı­netteri, massaj jáne emdeý ka­bı­netteri, psıholog jáne logo­ped kabınetteri, býfet bar, ke­­der­gisiz orta qalyptastyrý úshin bar­lyq jaǵdaı jasalǵan. Jo­­ba­nyń jalpy quny – 120 mln teńge. Memlekettik áleýmettik tapsy­rys arqyly ortalyqta qyz­met­ter tegin kórsetiledi, munda qyz­­met alý úshin dárigerdiń ta­ǵaıyn­daýy qajet.

Jalpy, «Asar» sporttyq-ońalt­ý ortalyǵynyń joǵary teh­nologııalyq jabdyqtary erekshe. Mysaly, ıspandyq ekzoskelet adamǵa qaıtadan júrýdi úırenýge kómektesedi. «Bul salmaǵy nebári 17 kg bolatyn model, reseılik óndiris modeliniń salmaǵy – 46 kg. Elimizde mundaı model joq, bul model qozǵalys dat­­chıkteriniń fýnksııasyna ıe. Tre­najerdiń quny – shamamen 107 mln teńge», dep túsindirdi orta­lyq dırektory.

Zamanaýı emdeý jabdyq­ta­rynyń taǵy biri – «Lýna» kóp­fýnksıonaldy robottanǵan ońaltý júıesi. Bul erekshe trenajer nevrologııalyq jáne ortopedııalyq patologııasy bar, bastan ótkergen jaraqattary men aýrýlaryna baılanysty qozǵalys buzylystary bar naýqastardy emdeıdi. «Asar» ortalyǵynda AQSh, Japonııa, Germanııa, Ita­lııa, Ulybrıtanııa, Ispanııa, Pol­shadan ákelingen eresekter men balalardy ońaltýǵa arnalǵan 30-dan asa trenajer men arnaıy jabdyq bar.

Jetisý oblysy