Senat spıkeri Máýlen Áshimbaevtyń tóraǵalyǵymen Palata bıýrosynyń otyrysy ótip, depýtattar 19 qazan kúni bolatyn Senat otyrysynyń kún tártibin bekitti.
Soǵan sáıkes Senattyń aldaǵy otyrysynda depýtattar «Eýrazııalyq qaıta saqtandyrý kompanııasyn qurý týraly kelisimdi ratıfıkasııalaý týraly» Zańdy qaraıdy. Eýrazııalyq ekonomıkalyq odaqqa múshe memleketter qol qoıǵan zań ekonomıkalyq ósýge, ózara jáne syrtqy saýda-ekonomıkalyq baılanystardy keńeıtýge yqpal etýge arnalǵan.
Kelisimdi qabyldaý EAEO-ǵa múshe memleketterdiń qarjy uıymdaryna ózara halyqaralyq saýda jáne ınvestısııalyq qyzmetti qoldaýǵa, sondaı-aq birlesken bıznes-jobalardyń úshinshi elderdiń naryqtaryna shyǵýyna belsendi qatysýǵa múmkindik beredi.