Respýblıka kúni merekesi aıasynda elimizdiń barlyq óńirlerinde «Jańa Qazaqstan. Taza tabıǵat» atty ekologııalyq aksııa ótti, dep habarlaıdy Egemen.kz Ekologııa jáne tabıǵı resýrstar mınıstrliginiń baspasóz qyzmetine silteme jasap.
Jalpyǵa birdeı respýblıkalyq senbilikke barlyq óńir azamattary shyqty. Mundaı is-sharalar azamattyq belsendilik pen birliktiń jáne qorshaǵan ortany jaqsartýǵa degen jalpy umtylystyń jarqyn kórsetkishi.
Senbilikke 270 myńnan astam adam qatysty. Elordada Ekologııa jáne tabıǵı resýrstar mınıstrligimen birlesip S.Seıfýllın atyndaǵy Qazaq agrotehnıkalyq zertteý ýnıversıtetiniń jáne L.Gýmılev atyndaǵy Eýrazııa ulttyq ýnıversıtetiniń ekolog-stýdentteri qatysty.
Respýblıka boıynsha aksııa barysynda 40 myńnan astam qaldyq jınaldy. Jınalǵan qoqys suryptalyp, qaıta óńdeýge 1200 tonna shyny, 3150 tonna plastık, 420 tonna rezeńke, 1300 tonna qaǵaz jáne karton, 890 tonna metall tapsyryldy.
Astanada Qarasý ózeni boıyna otyrǵyzylǵan 40 myń aǵash kóshetiniń 200 kóshetin atalǵan mınıstrlik qyzmetkerleri otyrǵyzdy. Aldaǵy merekege oraı is-shara ótetin jerde mınıstr aýmaqtyq ekologııa departamentterine 11 avtokóliktiń kiltin saltanatty túrde tabystady.
«Is-sharaǵa qatysqandardyń barlyǵyna alǵysymyzdy bildiremiz. Taza jáne jarqyn el úshin birlesken kúsh-jigerimizdi keleshekte jalǵastyramyz degen úmittemiz», dedi vedomstovodan.