Hanchjoýdyń «Úlken Lotos» olımpııada stadıonynda IV Azııa Para oıyndarynyń ashylý saltanaty ótti, dep habarlaıdy Egemen.kz.
Týrızm jáne sport vedomstvosynan málim bolǵandaı oıyndardyń ashylý saltanatynda elimizdiń kók baıraǵyn para voleıboldan Azııa chempıonatynyń kúmis júldegeri Janǵalı Súıeýov jáne para ústel tennısinen halyqaralyq jarystardyń chempıony Altynaı Erjanqyzy ustap shyqty.
Azııa Para oıyndaryna qatysýshylardy quttyqtaǵan Týrızm jáne sport mınıstri Ermek Marjyqpaev sportshylarymyzdy qoldaýǵa shaqyrdy. Vedomstvo basshysynyń aıtýynsha para sportshylardyń osyndaı zor dodaǵa qatysýynyń ózi úlken jeńis, olar taǵdyr synaǵyna synyp ketpeı, erik-jigerleri men sportqa qushtarlyqtary arqasynda osyndaı dárejege jetip otyr.
Aıta ketsek, osy aıdyń 22-28 kúnderi aralyǵynda ótetin dúbirli dodaǵa 43 memleketten 4000-ǵa jýyq sportshy qatysady. Baıraqty básekede 131- sportshymyz 14 sport túrinen óner kórsetip, 485 medal jıyntyǵyn sarapqa salady.