Qurlyqtyq hokkeı lıgasynda (QHL) óner kórsetetin elordanyń «Barysy» turaqty birinshiliktiń kezekti týr oıynyn Sochıde jergilikti «Sochı» klýbymen ótkizdi.
Keıingi úsh týrda sátsizdikke ushyrap, jeńilistiń kermek dámin tatqan jerlesterimiz tórtinshi matchta jankúıerlerin qýanta aldy. «Barys» hokkeıshileri syrt aıdyndaǵy oıyndar serııasyndaǵy ekinshi básekesin QHL-diń «Batys» konferensııasynda altynshy orynda turǵan «Sochı» komandasymen ótkizip, aıdyn ıelerin 5:3 esebimen tize búktirdi.
«Bolshoı» sport kesheninde ótken matchta «Barys» sapynan Pontýs Oberg dýbldiń avtory atansa, Kırıll Savıskıı, Raılı Barber, Batyrlan Mýratov bir-bir márteden dáldik tanytty. Al aıdyn ıelerinen Matveı Mıchkov, Sergeı Popov jáne «Barystyń» eks-qorǵaýshysy Djessı Grem kózge tústi.