Búgin elordadaǵy «Beeline Arena» sport kesheninde bokstan jasóspirimder jáne jastar arasynda Azııa chempıonatynyń shymyldyǵy túrildi. Bir aptaǵa jalǵasatyn sary qurlyq básekesine Azııa aımaǵynyń 23 elinen kelgen 500-ge jýyq jas sportshy sharshy alańnyń kórigin qyzdyrady.
El astanasyndaǵy dodada Qazaqstannyń bylǵary qolǵap sheberlerinen bólek, О́zbekstan, qytaılyq Taıpeı, Japonııa, Fılıppın, Gonkong, Koreıa, Mońǵolııa, Iran, Qyrǵyzstan, Úndistan, Vetnam, Taıland, Birikken Arab Ámirlikteri, Tájikstan, Túrikmenstan, Palestına, Pákistan, Iemen, Irak, Iordanııa, Kýveıt, Malaızııa sııaqty memlekettiń ókilderi de Azııa chempıony ataǵyna talasyp kóredi.
Jekpe-jek olımpıadalyq júıe boıynsha ótedi. Uldar 13 salmaq dárejesinde (46-48 kg, 51 kg, 54 kg, 57 kg, 60 kg, 63,5 kg, 67 kg, 71 kg, 75 kg, 80 kg, 86 kg, 92 kg, +92 kg) judyryqtassa, qyzdar 12 salmaqta (45-48 kg, 50 kg, 52 kg, 54 kg, 57 kg, 60 kg, 63 kg, 66 kg, 70 kg, 75 kg, 81 kg, +81 kg) synǵa túsedi. Jastar arasyndaǵy chempıonatqa 2005 jáne 2006 jyly týǵan boksshylar qatysady. Al 2007 jáne 2008 jyly dúnıege kelgen balalar jasóspirimder arasyndaǵy básekelerde baq synaıdy.
Boks jankúıerleri Azııa chempıonatynyń jartylaı fınal jáne fınaldyq jekpe-jekterin «Qazsport» telearnasynyń tikeleı efırinen tamashalaı alady. Al negizgi sharshy alańdaǵy jekpe-jekterdi 23 qazan men 3 qarashada ASBC YouTube kanaly arqyly túski 12.00-den túngi 22.00-ge deıingi ýaqytta kórýge bolady. Fınaldyq jekpe-jekter 2-3 qarashaǵa josparlanǵan. Al elorda turǵyndary men qala qonaqtary «Beeline Arena» sport keshenindegi kezdesýlerdi tamashalaı alady. Kirý – tegin.
Bul jarysta el namysyn jastar arasyndaǵy erler básekesinde Beksultan Boranbek (48 kg), Islam Mashkentaev (51 kg), Janseri Kósherbaev (54 kg), Bek Joldasbek (57 kg), Baqtııar Anarbaev (60 kg), Tórehan Sabyrhan (63,5 kg), Nurbek Mursal (67 kg), Islam Sovetov (71 kg), Aldııar Abdıllaev (75 kg), Dáýlet Tólemisov (80 kg), Vıktor Lıtvınov (86 kg), Nurjan Dýman (92 kg), Ermolenko Ivan (+92 kg) qorǵaıdy. Al qyzdar saıysynda Ánel Ábdirasýlova (48 kg), Elıanýr Týrganova (50 kg), Anıta Adısheva (52 kg), Tomırıs Myrzaqul (54 kg), Uljan Sarsenbek (57 kg), Áıgerim Qabdolda (60 kg), Ásem Tańatar (63 kg), Baqyt Seıdish (66 kg), Azıza Isına (70 kg), Shuǵyla Nálibaı (75 kg), Ánel Qalysova (81 kg), Úmit Ábilqaıyr (+81 kg) sharshy alańǵa kóteriledi.
Jasóspirimder básekesinde erlerden Nuǵman Nyǵmet (46 kg), Aldııar Bahadúr (48 kg), Erádil Uzaqbaı (50 kg), Nurasyl Tólebek (52 kg), Baýyrjan Muratov (54 kg), Álıhan Ásker (57 kg), Asqar Qýanysh (60 kg), Tagır Sataev (63 kg), Bekarys Nurmuhan (66 kg), Jasulan Berdaly (70 kg), Jandos Alpysbaev (75 kg), Baqytjan Aıtmuhanov (80 kg), Beksultan Qaıratuly (+80 kg), qyzdardan Aıym Tańqybaeva (46 kg), Sıla Beıbolsynqyzy (48 kg), Regına Tıbeneva (50 kg), Aısha Sarıeva (52 kg), Aıajan Sydyq (54 kg), Aıajan Ermek (57 kg), Tolǵanaı Qasymhan (60 kg), Alına Qudaıgenova (63 kg), Aısulý Muhıt (66 kg), Aqbota Esimbekova (70 kg), Arýjan Zeınollaeva (75 kg), Quralaı Eginbaıqyzy (80 kg), Panar Seıitqanqyzy (+80 kg) óz ónerin ortaǵa salady.