Bıyl Qazaqstanda jumys isteıtin azamattardyń ortasha jalaqysy 322 myń 845 teńgeni qurady. Erlerde - 361 myń 481 teńge, áıelderde - 285 myń 744 teńge. Mundaı málimetterdi eldiń Ulttyq statıstıka bıýrosy jarııalady, dep habarlaıdy Egemen.kz.
Qazaqstanda barlyǵy 3 mıllıon 437 myń qyzmetker bar. Eń joǵary ortasha aılyq Atyraý oblysynda (530 myń teńgeden astam) tirkelgen. Ekinshi orynda Mańǵystaý oblysy (469 myń teńge), úshinshi orynda Ulytaý oblysy (445 myń teńgege jýyq) tur. Eń tómengi jalaqy mólsheri Soltústik Qazaqstan oblysynda (227 myń teńge) tirkelgen.
Resmı derekterge kóz júgirtsek, bıyl qyzmetkerlerdiń ortasha jalaqysy bilim deńgeıi boıynsha kelesideı bólindi: orta bilim – 230 myń 841 teńge, joǵary bilim – 398 myń 214 teńge, joǵary oqý ornynan keıingi bilim – 505 170 teńge.
Qazaqstan ekonomıkasynda orta eseppen bilim deńgeıi boıynsha erlerdiń ortasha aılyq jalaqysy áıelderge qaraǵanda 39%-ǵa joǵary.