«Din máseleleri boıynsha bilikti mamandar daıarlaý» jobasy aıasynda Ekibastuz jáne Pavlodar qalalarynda aqparattyq-túsindirý toptarynyń múshelerine arnalǵan oqytý semınarlary men trenıngteri iske asyryldy.
Osy jyldyń 17 qazanynda Ekibastuz qalasyndaǵy «Qaınar» bilim berý-saýyqtyrý kesheniniń májilis zalynda, 18 qazanda Pavlodar qalasynda «Jastar bastamalaryn damytý ortalyǵy» din máseleri boıynsha bilikti mamandardy daıyndaýǵa baǵyttalǵan is-shara ótti. Oǵan «Din zertteý ortalyǵynyń», «Aqnıet» QQ jáne t.b mamandary, psıhologtary men teologtary qatysty. Jıynda din máseleleri boıynsha túsindirý tobynyń músheleri – rıtorıka mamany Amanbek Tolqyn, medıasııa mamany Orazbaeva Shırın Iranbekovna, neırolıngvıstıkalyq baǵdarlamalaý mamany, psıholog Seıtqalı Mırzada Shahmanuly, dintanýshy Myrzaev Balǵabek Ábdiqaıymuly semınar oqydy.
Amanbek Tolqyn «Rıtorıka. Kópshilik aldynda sóıleý daǵdylaryn meńgerý» taqyrybymen qatysýshylarǵa adam boıyndaǵy jasqanshaqtyqty joıý, daýystyń yrǵaǵy, tembri, ıntonasııany durys qoldaný, ekpindi durys qoıý, durys tynys alý mańyzdylyǵyn atap ótti. Sonymen qatar, «Dıksııany jaqsartýǵa arnalǵan quraldar» taqyrybynda aıasynda oratorlyq sheberlikti damytýǵa baǵyttalǵyn arnaıy jattyǵýlar men ádisterdi kórsetip, trenıng ótkizdi.
Orazbaeva Shırın Iranbekovna «Ýpravlenıe konflıktamı» taqyrybynda kezdesip, mamandardarǵa durys sózdik qatynastyń daýly, janjaldy máselelerdi sheshýdiń, dostyq qatynas pen yntymaqtastyq ornatýdyń nátıjeli quraly ekenin túsindirdi. Kelesi kezekte, «Effektıvnye peregovory» taqyrybynda semınar oqyp, kelissózderge daıyndalý alǵysharttaryn, erejelerin, júrgizý júıesin aıtyp ótti.
Myrzaev Balǵabek Ábdiqaıymuly «Qazaqstan Respýblıkasyndaǵy radıkaldyq jáne ekstremıstik baǵyttaǵy dinı aǵymdar jáne olardyń belsendiligi týraly» taqyryby aıasynda tyńdaýshylarǵa destrýktıvti dinı aǵymdardyń qoǵamǵa qaýpi, neke jáne otbasy ınstıtýtyna, adam densaýlyǵyna qateri týraly aıtyp ótti. Sondaı-aq «Zaıyrlylyq jáne onyń dinı birlestiktermen qarym-qatynasynyń negizgi prınsıpteri» taqyrybynda zaıyrlylyq, zaıyrly memleket: uǵymy, máni, sıpaty, zaıyrly ádep negizderi týraly sóz qozǵady.
Seıtqalı Mırzada Shahmanuly «Boleznı EGO ı pýtı ıh ızlechenııa» taqyrybynda kezdesip, mamandardardy psıhologııalyq densaýlyqty ustap, psıhıkalyq etıkalyq prınsıpterge súıene otyryp jumys jasaý ádisterin túsindirdi. Kelesi kezekte «Vlııanıe detskıh travm na jıznedeıatelnost lıchnostı» taqyrybynda semınar oqyp, terrorızm men ekstremızmdi týǵyzatyn psıhologııalyq aspekter, oǵan ilinetin adamdardyń sıpattamasy, jáne psıhologııalyq túp-tamyryn anyqtaý ádisterin atap ótti. Dárisker qatysýshylarǵa adamdarmen jumys jasaý kezinde stress mólsherin jeńildetýge baǵyttalǵan trenıng ótkizdi.
Sonymen qatar semınarlar men trenıngter barysynda qatysýshylar tarapynan dáriskerlerge suraqtar qoıylyp, tujyrymdy jaýaptar alyndy.