Pavlodar qalasynyń balabaqshasynda sóıleý qabiletin damytýǵa arnalǵan arnaıy kabınetter ashyldy. Endi balaqaılar zamanýı ınteraktıvti taqtalar men bızıbordtarjy paıdalana alady, dep habarlaıdy Egemen.kz.
Jergilikti BAQ jazǵandaı, №14 arnaıy balabaqshada ınteraktıvti qurylǵylarmen jabdyqtalǵan tórt kabınet ashyldy. Olar: montessorı, tuz shahtasy, sóıleý terapııasy jáne psıholog kabıneti. Kabınetterdegi barlyq jabdyqtar oblys ákimi bólgen 50 mıllıon teńgelik grant qarjysyna satyp alyndy.
«Jyl saıyn oblys boıynsha arnaıy baıqaý ótkizilip turady. Qalalyq №14 arnaıy balabaqsha túzetý jumystaryn uıymdastyrý sapasy jaǵynan eń úzdik dep tanylyp, grant utyp aldy», dedi bilim berý bóliminiń ádiskeri Baqyt Qyryqbesova.
Aıta ketsek, bul balabaqshaǵa psıhologııalyq-medısınalyq-pedagogıkalyq komıssııanyń joldamasy boıynsha aýyr tildik buzylystary bar úsh jastan alty jasqa deıingi balalar barady. Olarmen bes logoped maman jáne qosymsha psıholog, defektolog mamandar jumys isteıdi.
Jańadan ashylǵan sóıleý terapııasy kabınetinde mýltımedııalyq taqta men eki jumsaq panno bar. Onda balalar dybystardy qaıtalap, zeıin men jadyny jattyqtyrady.
«Bala kabınetten shyqqan soń relaksasııalyq dálizden ótedi. Ol jerde jyltyr túrli-tústi kúnniń kózi men onyń sáýlelerin ustap kórýge bolady. Qabyrǵada juldyzdar kartasy ilýli tur», dedi logoped maman Aıda Ahmetbekova.
Al psıholog kabınetinde balalar qummen oınaı alady. Qumdy palıtranyń qasynda monıtor tur, sol arqyly logoped oıyndy tańdap, ony qumnyń betine sýret arqyly proeksııalaıdy.
Budan bólek bul kabınette basqaratyn taqtaıshamen jabdyqtalǵan kompıýter bar. Oǵan on modýl júktelgen arnaıy baǵdarlama engizilgen.
«Balalardyń bilimin tekserý úshin osy arnaıy modýlmen jumys isteımiz. Balalar qorshaǵan álemdi, dene múshelerin, janýarlardy, jaman jáne jaqsyny ajyratyp, sandardy, áripterdi eske túsiredi. Qosymsha suraqtar tapsyrmalar kezinde dybystalyp, aıtylady», dedi logoped maman Aıda Ahmetbekova.
Montessorı kabınetinde balalar shyǵarmashylyq qabiletterin damytýǵa úırenedi.
«Aǵashtan jasalǵan túrli oıyn jabdyqtarynda balalardyń usaq motorıkasy, sensorlyq sezimi jetildiriledi. Iаǵnı, sóıleý qabiletin damytý úshin usaq motorıkadan bastaý kerek. Balany májbúrlemeımiz. О́z qalaýy boıynsha unaǵan jerge jaqyndap, oınaıdy. Bizdiń mindetimiz - olarmen birge sóılesip, suraq qoıyp, áńgimege tartý», dedi Aıda Ahmetbekova.
Balabaqsha dırektory Gúlnasıf Janshakımovanyń sózinshe, balalar qýana kiretin, súısinip otyratyn jer – tuz shahtasy.
«Ol jerde bala tilimen tuzdy jalap shyǵady. Bul da bir jaǵynan gımnastıka bolyp sanalady. Tuz shahtasy kabınetinde balalar aýrýlar men astmadan saýyǵyp kete alady», dedi ol.