Astana qalasynda bokstan jastar men jasóspirimder arasynda ótip jatqan Azııa chempıonatynda 8 boksshy jartylaı fınalǵa jetti, dep habarlaıdy Egemen.kz Týrızm jáne sport mınıstrligi Sport jáne deneshynyqtyrý isteri komıtetiniń baspasóz qyzmetine silteme jasap.
Jastar arasyndaǵy jekpe-jek saıystarynda 8 boksshymyz jartylaı fınalǵa shyqsa, eki sportshymyz shırek fınaldyq jekpe-jegin endi ótkizedi. Jastar arasynda aýyr salmaq dárejesindegi boksshylarymyzdyń qarymy kóńil qýantty. Ásirese 75 keli salmaqta synǵa túsken Aldııar Ábdillaev taıpeılik qarsylasyn aıqyn basymdyqpen utty, 80 keli salmaqta Dáýlet Tólemisov te Taıpeı bokshysynyń esin ekeý, túsin tórteý etip jeńdi. Erteń jasóspirimder arasyndaǵy jekpe-jek básekesi bastalady.