Prezıdent Qasym-Jomart Toqaev Nepaldyń batys bóliginde bolǵan joıqyn jer silkinisi kezinde kóptegen adamnyń qaza tabýyna baılanysty Nepal Prezıdenti Ram Chandra Paýdelge kóńil aıtý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
«Nepalda bolǵan joıqyn jer silkinisi saldarynan kóptegen adamnyń qaza tapqany jáne zardap shekkeni týraly sýyt habardy tereń kúızelispen qabyldadym. Osyndaı aýyr sátte Sizge jáne jaqyndarynan aıyrylǵan otbasylarǵa Qazaqstan halqy men jeke ózimniń atymnan qaıǵyra kóńil aıtamyn. Tabıǵı apattan jaraqat alǵandardyń tez arada saýyǵyp, iz-túzsiz joǵalǵan azamattardyń otbasylaryna oralýyn tileımin», delingen jedelhatta.