Orynbasar jeńiske jetti

Oblystyq aýmaqtyq saılaý ko­mıs­sııa­synyń málimetinshe, óńir­degi saı­laýshylar tizimine engen 28 897 aza­mat­tyń 17 033-i daýys berý­ge qa­tys­­qan. Úsh aýdandaǵy kandı­dat­tar­dyń jalpy sany – 9. Iаǵnı ár aýdanda ákim laýazymyna úsh úmitker arasynda saıası tartys boldy.

Sonymen, Bókeıordasy aýdany boıynsha áýelgi úmitker Meırambek Ǵılmanov saılaýshylardyń 782 daýysyn jınady. Ekinshi kandıdat Nurlybek Daýmovqa 4 660 saılaýshy daýys bergen. Al Narynbek Keresh alǵan daýys sany – 426. Sondaı-aq aýdanda 178 saılaýshy «Barlyǵyna qarsymyn» dep daýys bergen.

Qaratóbe aýdanynda ót­ken saı­laý­da Qanat Muqanov saı­laý­shylardyń 557 daýysyn aldy. Er­mek Saıynov úshin 448 adam daýys berdi. Qadyrjan Súıeýǵalıevke ba­sym kópshilik, ıaǵnı 4 329 turǵyn daýys bergen. «Barlyǵyna qarsy» bel­gisi bar bıýlletender sany – 115.

Al Tasqala aýdanynda Mels Nárikov – 1032, Bekjan Toqjanov – 381, al Talǵat Shakırov 3 138 daýys jınady. Bul aýdanda 317 adam úsh úmitkerge de qarsy daýys bergen.

Osylaısha, saılaýdyń qorytyndy nátı­jesimen Bókeıordasyna – Nur­ly­bek Daýmov, Qaratóbege – Qadyrjan Sú­ıeý­ǵalıev, Tasqala aýdanyna Tal­ǵat Shakırov ákim bolyp saılandy.

Jańa ákimderdiń alǵashqy ekeýi burynnan osy laýazymda bolsa, Talǵat Shakırov buǵan deıin Tasqa­la aýdany ákiminiń orynbasary qyz­metin atqarǵan.

Batys Qazaqstan oblysy