Shymkenttegi «Fosforshylar» mádenıet úıi Jastar saraıyna aınalady. Bul týraly Shymkent qalasynyń ákimi Ǵabıt Syzdyqbekov óziniń áleýmettik jelidegi paraqshasynda jazdy, dep habarlaıdy Egemen.kz.
Shymkentte birneshe jyldan beri «Fosforshylar» mádenıet úıi qaraýsyz bos turǵan edi. Bul ǵımarat buǵan deıin «Darhan grýpp» seriktestiginiń menshiginde bolyp keldi. Keıinirek Shymkent qalasynyń ákimdigi qalalyq prokýratýra men memlekettik múlik jáne jekeshelendirý departamentimen birlesip, mádenıet úıin qalanyń kommýnaldyq menshigine qabyldaý boıynsha algorıtm ázirledi. Sonyń nátıjesinde ǵımarat qalanyń kommýnaldyq menshigine qaıtaryldy.
«13 qarasha kúni «Fosforshylar» mádenıet úıin qalanyń kommýnaldyq menshigine qaıtarý boıynsha kelisimge qol jetkizildi. Ári qaraı ǵımaratty kópfýnksıonaldy Jastar saraıy retinde qaıta qalpyna keltirý jáne aýmaǵyn abattandyrý jumystary júrgiziledi. «Fosforshylar» saraıy qalanyń eń kórikti jerleriniń birine aınalatynyna jáne halyq ıgiligine qyzmet etetinine senimdimin», dep jazdy ákim.