Jyl saıyn 20 qarasha kúni barsha álem Dúnıejúzilik balalar kúnin atap ótedi. Birikken Ulttar Uıymynyń Bas Assambleıasy 1954 jyly álem elderine beıbit baýyrlastyq kúni retinde, sondaı-aq bútin álemdegi balalardyń esen-saýlyǵy men olardyń ózara túsinistigin qamtamasyz etý úshin Dúnıejúzilik balalar kúnin merekeleýdi usyndy, dep jazady Egemen.kz.
Halyqaralyq uıym el úkimetterine bul kúndi óz qalaýlary boıynsha kez kelgen datada atap ótýdi usyndy.
1959 jyly qarasha aıynyń 20-sy kúni Assambleıa Bala quqyqtary jónindegi deklarasııany jáne 1989 jyly dál osy kúni Balalar quqyqtary týraly konvensııany qabyldady. Osyǵan baılanysty 1990 jyldan bastap bul tarıhı sát Dúnıejúzilik balalar kúni bolyp belgilendi. Búginde bul kúndi BUU-ǵa múshe 129 el jyl saıyn toılaıdy.
Aıta keteıik, elimizde 6,6 mıllıon bala turady. Sondaı-aq bul mereke balalyq shaqtyń náziktigin eske túsirýge arnalǵan.