Elordanyń polısııa qyzmetkerleri esirtki arnasynyń jolyn kesý maqsatynda jedel izdestirý is-sharasyn júrgizip, eki kúdikti ustaldy, dep habarlaıdy Egemen.kz Astana qalasy Polısııa departamentiniń baspasóz qyzmetine silteme jasap.
30 jastaǵy er adamnyń úıin tintý barysynda 10 kg gashısh salynǵan sporttyq sómke tárkilendi. Ekinshi kúdiktiniń de izine túsip, kósheden ustaldy. Onyń da qaltasynan 205,90 gramm gashısh esirtkisi tabyldy.
«Osy fakt boıynsha QR QK-niń 297-babymen «Esirtki, psıhotroptyq zattardy, olardyń analogtaryn ótkizý maqsatynda zańsyz daıyndaý, óńdeý, satyp alý, saqtaý, tasymaldaý, jóneltý nemese ótkizý» sotqa deıingi tergep-tekserý bastaldy. Kúdiktiler qamaýǵa alyndy», delingen aqparatta.
Bıylǵy jyldyń qańtar aıynan beri Astana qalasynyń polısııa qyzmetkerleri 218 esirtki qylmysyn ashyp, zańsyz aınalymnan 265 kg esirtki tárkilendi.