Astanada kóktaıǵaq pen qatty jeldiń saldarynan mektepterdegi sabaq qysqartyldy, dep habarlaıdy Egemen.kz bilim basqarmasynyń baspasóz qyzmetine silteme jasap.
«Aýa raıy jaǵdaıyn eskere otyryp, ekinshi aýysymdaǵy sabaq ýaqytyn 35 mınýtqa deıin qysqartý týraly sheshim qabyldandy. Sabaq sońynda oqýshylardy mektepten ata-analary nemese zańdy ókilderi alyp ketkeni durys», delingen habarlamada.
Vedomstvonyń habarlaýynsha, qoldanystaǵy erejelerge sáıkes jańbyr men kóktaıǵaq sabaqtardy toqtatýǵa negiz bola almaıdy.
«Sondaı-aq árbir ata-ana synyp jetekshisine aldyn ala habarlaı otyryp, balany mektepke jibermeýine bolady», dep atap ótti departamenttegiler.