Sheteldik ınvestorlar keńesiniń aralyq otyrysy aıasynda Premer-mınıstr Álıhan Smaıylov Sheteldik ınvestorlar keńesin jáne jalpy respýblıkanyń ınvestısııalyq ahýalyn damytýǵa qosqan úlesi úshin kompanııalarǵa alǵys hattar tabys etti, dep habarlaıdy Egemen.kz Úkimettiń baspasóz qyzmetine silteme jasap.
Naqty ataǵanda, Coca Cola Içecek Kazakhstan, Microsoft, Baker & McKenzie, Cameco Kazakhstan, Chevron Corporation, Deloitte, Exxon Mobil, Glencore, Marubeni kompanııalaryna jáne t. b. berildi.
«Osy jyldary birlesken kúsh-jigerdiń arqasynda jańa óndiris oryndary iske qosyldy, iri jobalar júzege asyryldy, eń bastysy, myńdaǵan jumys oryndary ashyldy. Yntymaqtastyǵymyz ózara tıimdi bolyp, úlken perspektıvalarǵa jol ashyp, turaqty túrde damı beretinine senimdimin. Qazaqstan Úkimeti ınvestısııalyq baılanystardy tereńdetip, jańa birlesken jobalardy júzege asyrýǵa daıyn», dedi Premer-mınıstr.
Anyqtama retinde aıta ketsek, Sheteldik ınvestorlar keńesi Prezıdent janyndaǵy konsýltatıvtik-keńesshi organ bolyp tabylady. Keńestiń negizgi mindeti – Qazaqstannyń ınvestısııalyq saıasatynyń negizgi baǵyttaryn aıqyndaý, ınvestısııalyq ahýaldy jaqsartý jáne QR ınvestısııalar týraly normatıvtik quqyqtyq bazasyn jetildirý boıynsha usynymdar men usynystar ázirleý. Qazirgi ýaqytta Keńes quramyna 33 iri transulttyq sheteldik kompanııa men halyqaralyq uıymdar basshylary, sondaı-aq sheteldik taraptan 9 baqylaýshy kiredi.