Abaı atyndaǵy Qazaq ulttyq pedagogıkalyq ýnıversıteti ǵylym salasyndaǵy kadrlyq rezervtiń áleýetin keńeıtý maqsatynda jyl saıyn konkýrs arqyly postdoktoranttar pýlyn qalyptastyryp keledi. 2019 jyly engizilgen baǵdarlama búginde 28 oryndy qamtıdy. Postdoktoranttar zertteýlerge tereńirek úńilip, ǵylymnyń damýyna belsendi úles qosyp otyr.
Bıylǵy jyly Abaı ýnıversıtetiniń jeti jas zertteýshisi – Laıshanov Shahıslam, Saparǵalıeva Baıan, Seıilhan Aınur, Serikova Samal, Baıkýlova Áıgerim, Moldaǵalı Baqytgúl jáne Akımbekova Shyryn – postdoktorantýrany sátti aıaqtap, oqýdy aıaqtaǵany týraly kýálikterin aldy.
Postdoktorantýra baǵdarlamasy aıasynda olar úlken jetistikterge jetti: bir postdoktorant «QR Joǵary oqý ornynyń úzdik oqytýshysy», ekeýi talantty jas ǵalymdarǵa arnalǵan memlekettik stıpendııa ıegeri jáne bireýi «Bolashaq» baǵdarlamasynyń stıpendıaty atandy. Úsh jyldyń ishinde postdoktoranttar Scopus jáne WoS bazasynyń resenzııalanatyn jýrnaldarynda 55 maqala jarııalady, onyń ishinde SiteScore boıynsha joǵary prosentıldi jýrnaldarda 29 jarııalanym (prosentıl 50-den kem emes jáne Q1, Q2-den kem emes) jáne QR ǴJBM ǴJBSSQK usynǵan jýrnaldarda 81 maqala jarııalandy. Postdoktorantýra baǵdarlama túlekteriniń qatarynda QR ǴJBM qarjylandyratyn ǵylymı jobalardyń, sondaı-aq halyqaralyq jobalardyń jetekshileri bar. Bul nátıjeler ýnıversıtettiń zertteý áleýetin, sondaı-aq onyń álemdik reıtıngterdegi kórsetkishterin arttyrýǵa oń áser etedi.
Abaı ýnıversıtetiniń Postdoktorantýra baǵdarlamasy jas zertteýshilerge tıimdi qoldaý kórsetip, olardyń kásibı ósýine jáne ǵylymı quzyrettiligin keńeıtýge yqpal etedi. Bul bastama ǵalymdardyń tek Qazaqstanda ǵana emes, halyqaralyq keńistikte de mansaptyq ósýin qalyptastyrýda mańyzdy ról atqarady.