Atajurtqa alys-jýyq shetelderden kelip, bilim alatyn qazaq jastarynyń qatary azaıǵan emes. Jyl saıyn qandastar arnaýly 4 paıyzdyq kvotamen ǵana grant konkýrsyna qatysyp, bilim alyp jatyr. Syrtqy ister mınıstrligine qarasty «Otandastar qory» búginde qandas jastardyń tek bilim alyp qana qoımaı, qarashańyraq Qazaq elindegi qoǵamdyq ortaǵa beıimdelýine jáne salamatty ómir saltyn nasıhattaýǵa erekshe kóńil bólip otyr.
Osyǵan oraı «Otandastar qory» KeAQ jáne S.Seıfýllın atyndaǵy qazaq agrotehnıkalyq zertteý ýnıversıtetiniń uıymdastyrýymen Astanada stýdentter arasynda «Otandastar cup» halyqaralyq basketbol týrnıri ótti.
Jarystyń ashylý saltanatynda sóz alǵan Senat jáne Májilis depýtattary Ǵalıasqar Tólendiuly, Bolat Baqbergenuly, Amangeldi Ǵabdylkárimuly, «Otandastar qory» uıymynyń basshysy Abzal Saparbekuly, S.Seıfýllın atyndaǵy Qazaq agrotehnıkalyq zertteý ýnıversıtetiniń basqarma múshesi, Stýdentter isi jónindegi prorektor Jaınagúl Aıtmaǵanbetqyzy qandastarǵa sáttilik tiledi.
«Bul týrnırdiń basty maqsaty – atajurtta bilim alyp jatqan qandas jastardyń arasynda dostyq qarym-qatynas ornatý, baýyrmaldyq pen birlikti nasıhattaý, sondaı-aq salamatty ómir saltyna baýlý, eń myqty sportshylardy sharshy alańda anyqtaý. Jarysqa «Sine Midas Stroy» qurylys kompanııasy demeýshilik jasap otyr», dedi Abzal Saparbekuly.
Málimetke sáıkes, bıyl úshinshi ret ótip jatqan dástúrli týrnırde О́zbekstan, Mońǵolııa, Qytaı qatarly alys-jaqyn shetelderden kelgen 200-ge jýyq stýdent baq synady. Saıysqa 16-25 jas aralyǵyndaǵy ul-qyzdardan quralǵan 22 komanda qatysty. Er balalardan 16 komanda, qyz balalardan 6 komanda jasaqtalyp, solardyń ishinen saıdyń tasyndaı iriktelip shyqqan 6 komanda úzdik atandy. Jeńimpazdarǵa arnaıy sertıfıkat pen aqshalaı syılyq tabystaldy. Sonymen, uldar arasynda 1-oryndy – Eýrazııa ulttyq ýnıversıtetiniń «IMS Astana» komandasy (Mońǵolııa), 2-oryndy – Pavlodar oblysynda bilim alyp, kásip bastap júrgen jastardyń «Reggion 14» komandasy (Mońǵolııa), al 3-oryndy EUÝ, Astana medısına ýnıversıtetteriniń «Qobda» komandasy (Mońǵolııa) aldy.
Al qyzdar arasynda, 1-oryndy – «Miami» Mońǵolııa, О́zbekstannan kelgen qyzdar qurama komandasy, 2-oryndy – EUÝ, Astana IT ýnıversıtetinen quralǵan «Jas qazaq» komandasy (Mońǵolııa), al 3-oryndy Eýrazııa ulttyq ýnıversıtetiniń «Eagle» komandasy (Mońǵolııa) ıelendi.
Sonymen qatar «Úzdik sportshy» nomınasııasyna О́zbekstannan kelgen qandasymyz Arýjan Kakenqyzy, mońǵolııalyq Úmbet Áskerhanuly laıyq boldy.