Yntymaqtastyq máseleleri talqylandy

Is-shara qarsańynda komıtet tóraǵalary ekijaqty kezdesý ótkizip, onyń barysynda ártúrli baǵyttar men salalardaǵy úkimet­aralyq ózara is-qımyldyń ózekti máselelerin egjeı-tegjeı talqylady.

Komıtet otyrysy aıasynda eki eldiń ortalyq memlekettik organdarynyń birinshi basshy­larynyń qatysýymen saýda, kedendik retteý, energetıka, kólik jáne logıstıka, ǵylym, má­de­nıet, qorshaǵan ortany qorǵaý, sý sharýashy­ly­ǵy qyzmeti jáne t.b. salalardaǵy jumys bo­ıynsha máseleler qaraldy. Budan basqa atalǵan baǵyttardaǵy yntymaqtastyqty odan ári damytý boıynsha naqty qadamdar belgilendi.

«Búgingi otyrystyń qorytyndysy mem­leket­ara­lyq qatynastardy nyǵaıtýǵa jańa serpin beretinine senimdimin. О́tken 2 jyl ishinde barlyq shaǵyn komıtet óz baǵyttary aıa­synda ýaǵdalastyqtardy iske asyryp, odan ári ózara is-qımyl jasaý úshin jańa baǵ­darlardy belgiledi», dedi R.Sklıar.

О́z tarapynan QHR Memlekettik keńesi Premeriniń orynbasary Dın Sıýesıan qazaqstandyq taraptyń bastamalaryna qoldaý bildirip, QHR-dyń buryn qol jetkizilgen jáne jańa ýaǵdalastyqtardy iske asyrý úshin belsen­di túrde jumys isteýge daıyn ekenin atap ótti.

«Eki el arasyndaǵy qarym-qatynas jan-jaqty strategııalyq seriktestik deńgeıine jetti. Bıyl Prezıdent Qasym-Jomart Toqaev Qytaıǵa eki ret saparmen bardy. Eki el basshylarynyń kezdesýleri óte mazmundy ótti. Bizdiń mindetimiz – qol jetkizilgen barlyq ýaǵdalastyqty iske asyrý», dedi Dın Sıýesıan.

Otyrys sońynda taraptar qorytyndy hat­ta­maǵa qol qoıyp, 2025 jyly Qazaqstan-Qy­taı Yn­ty­maqtastyq jónindegi komıtetiniń 12-otyry­syn Qytaı aýmaǵynda ótkizýge kelisti.

Roman Sklıar men Dın Sıýesıannyń qatysýy­men mádenı ortalyqtardy ózara qurý týraly úkimetaralyq kelisimge, sondaı-aq QR Aýyl sharýashylyǵy mınıstrligi men QHR Bas keden basqarmasynyń Qazaqstannan jańa súıekti jemis daqyldarynyń eksporttyq partııalaryna qoıylatyn fıtosanıtarlyq talaptardy kelisý jónindegi jumys hattamasyna qol qoıyldy.