Memleket basshysy Qasym-Jomart Toqaevtyń tapsyrmasyna sáıkes Qazaqstan Palestınaǵa qosymsha gýmanıtarlyq kómek kórsetedi. Atalǵan másele Premer-mınıstrdiń birinshi orynbasary Roman Sklıardyń tóraǵalyǵymen ótken Úkimettik komıssııa otyrysynda talqylandy, dep habarlaıdy Egemen.kz.
Úkimettiń baspasóz qyzmetiniń málimetinshe gýmanıtarlyq kómekke jalpy salmaǵy 38 tonnadan asatyn azyq-túlik, tósek-oryn jabdyqtary, dári-dármek, medısınalyq buıymdar enip otyr. Júkter jýyrda áýe kóligimen jóneltiledi.
Qazaqstannyń qoldaýy Gaza sektorynda oryn alǵan gýmanıtarlyq apatty jaǵdaıǵa baılanysty Palestınaǵa kómek kórsetýge baǵyttalǵan. Buǵan deıin Qazaqstan Palestına halqyna $1 mln kóleminde gýmanıtarlyq kómek kórsetken bolatyn.