Astana qalalyq «102» arnasyna ákimshilik ǵımaratta masań kúıdegi er adam janjal shyǵaryp jatyr degen habar kelip túsken. Keńsede tóbeles shyǵarǵan azamat burynǵy qyzmetker ekeni anyqtaldy, dep jazady Egemen.kz.
Jedel shaqyrý boıynsha jetken Almaty aýdandyq polısııa qyzmetkerleri janjaldy 30 jastaǵy burynǵy keńse qyzmetkeri shyǵarǵanyn anyqtady. Er adam mas kúıinde noýtbýkti qasaqana búldirip, qyzmetkerlermen tóbeles shyǵarǵan.
Bótenniń múlkine qasaqana zııan keltirgeni úshin er adamǵa qatysty ákimshilik is qozǵalyp, mamandandyrylǵan aýdanaralyq ákimshilik sotyna joldandy. Sot qaýlysymen tóbelesken azamat QR ÁQBtK-niń 147-1-baby 1-bóligimen (Bóten múlikti qasaqana joıý nemese búldirý) 10 táýlikke qamaýǵa alyndy.