3 jeltoqsan kúni qatty jel saldarynan Astanadaǵy Abylaı han kóshesi boıyndaǵy aıaldama egde jastaǵy erli-zaıyptylardyń ústine qulap ketti. Er adam aýyr jaraqat alyp aýrýhanaǵa tústi, dep jazady Egemen.kz.
Tosyn oqıǵanyń vıdeosyn áleýmettik jelige ınsıdent júktegen.
«3 jeltoqsan kúni tańerteń Astana qalasy, Abylaı han kóshesi 60 mekenjaıy boıyndaǵy aıaldamada ata-anam turǵan, jeldiń áserinen aıaldamanyń terezesi olarǵa qulap, saldarynan ákemniń jambasy synǵan. Endi operasııa jasaý josparlanyp otyr. Qaýipsizdik erejeleri saqtalmaǵan jumys úshin egde jastaǵy ata-anam zardap shegip otyr», dep jazdy vıdeo avtory Instagram jelisinde.
Vıdeodan qatty jeldiń áserinen aıaldamanyń áınegi erli-zaıyptylardyń ústine túsip, olardyń jerge qulaǵanyn kórýge bolady. Áıeli ornynan dereý turyp, jubaıyn ornynan turǵyzbaqshy bolǵanmen, ol ornynan qozǵala almaǵan.
Oqys oqıǵadan keıin erli-zaıyptylar №1 qalalyq kópbeıindi aýrýhanaǵa jetkizilgen. Tekserý nátıjesinde áıel adam úıden em alýǵa jiberilip, er adamǵa operasııa taǵaıyndalǵan.