Keler jyldan bastap elimizde eń tómengi jalaqy mólsheri men eń tómengi zeınetaqy mólsheri ózgeredi, dep habarlaıdy Egemen.kz.
Memleket basshysy Qasym-Jomart Toqaev «2024-2026 jyldarǵa arnalǵan respýblıkalyq bıýdjet týraly» zańǵa qol qoıdy. Zańǵa sáıkes 2024 jyldyń aılyq eseptik kórsetkishi, eń tómengi jalaqy mólsheri men zeınetaqynyń eń tómengi mólsheri bekitildi.
Atalǵan zańnyń 9-babynda eńbekaqy tóleýdiń jańa júıesi týraly aıtylady. Iаǵnı, 2024 jyldyń 1 qańtarynan bastap eń tómengi jalaqy ózgeredi.
Eń tómengi jalaqy – 85 000 teńge;
Memlekettik bazalyq zeınetaqy tóleminiń eń tómengi mólsheri – 28 215 teńge;
Zeınetaqynyń eń tómengi mólsheri – 57 853 teńge;
Aılyq eseptik kórsetkish – 3 692 teńge;
Bazalyq áleýmettik tólemderdi esepteý úshin ómir súrý mınımýmy 43 407 teńgeni quraıdy.
Aıta keteıik, keshe Memleket basshysy 2024-2026 jyldarǵa arnalǵan respýblıkalyq bıýdjet týraly zańǵa qol qoıdy.