Almaty ákimshilik polısııasy naýqan aıasynda 25 myń 500-den astam sheteldik avtokólikti zańdastyrǵanyn almaty_police_department ınstagram arnasy málim qyldy, dep habarlaıdy Egemen.kz.
Memleket basshysynyń tapsyrmasy boıynsha bıylǵy jyldyń 23 qańtarynan bastap Qazaqstanǵa 2022 jylǵy 1 qyrkúıekke deıin ákelingen kólikterdi memlekettik tirkeý júrgizilip jatyr. Almaty qalalyq PD Ákimshilik polısııa Basqarmasy Prosessıng ortalyǵynyń málimetinshe, naýqan bastalǵaly barlyǵy 25 myń 570 sheteldik avtokólik tirkelse, onyń 8 myń 727-si oń rýldi. Qala polısııasy osy jyldyń 1 shildesine deıin sheteldik kólikterdi zańdastyrý týraly berilgen ótinishter tek bıylǵy 31 jeltoqsanǵa deıin qaralatynyn eske saldy. Ýaqyttyń shekteýliligin eskerte otyryp, polısııa kólik ıelerin zańdastyrý rásimin aıaqtap, kólik quraldaryn tirkeýge shaqyrdy.