Premer-mınıstr Álıhan Smaıylov Sot ákimshiliginiń basshysy Naıl Ahmetzakırovpen kezdesip, sot júıesin reformalaý jónindegi zańnamalyq túzetýlerdiń ekinshi blogyn talqylady, dep habarlaıdy Egemen.kz Úkimettiń baspasóz qyzmetine silteme jasap.
Buǵan deıin Joǵarǵy Sot tóraǵasy Aslambek Merǵalıev Memleket basshysyna usynylyp otyrǵan jańashyldyqtar týraly baıandaǵan edi.
«Túzetýlerdi Senat alańynda arnaıy qurylǵan jumys toby ázirledi. О́zgerister «Qazaqstan Respýblıkasynyń sot júıesi men sýdıalarynyń mártebesi týraly» Konstıtýsııalyq zańǵa, prosestik kodeksterge, sondaı-aq birqatar arnaıy zańdarǵa engiziledi. Joǵarǵy Sot tóraǵasy usynǵan negizgi jańashyldyqtardyń biri – qylmystyq jáne azamattyq ister boıynsha kassasııalyq ótinishhattardy aldyn ala qaraýdy alyp tastaý. Zań jobasy sondaı-aq Sot alqasynyń jáne Sot tóreligi sapasy jónindegi komıssııanyń jumysyn jetildirýge, sýdıalardyń táýelsizdigin kúsheıtýge baǵyttalǵany» jazylǵan aqparatta.
Memleket basshysynyń tapsyrmalaryn iske asyrý aıasynda apellıasııalyq nemese kassasııalyq satydaǵy sot aktisinde kórsetilgen óreskel buzýshylyqtardyń barlyq faktisi budan bylaı birden Sot alqasyna jiberiletin jańa mehanızm engizilmek.
Sondaı-aq baǵalaý kórsetkishteriniń sany ońtaılanady, otstavkadaǵy sýdıalar úshin áleýmettik paket jaqsarady, memlekettik qyzmetker bolyp tabylmaıtyn zańgerler úshin Sot tóreligi akademııasynda oqý qoljetimdi bolmaq. N. Ahmetzakırov zań jobalaryn iske asyrý bıýdjetten qosymsha qarajat bólýdi talap etpeıtinin atap ótti. Shyǵyndar el Prezıdentiniń tapsyrmasy boıynsha engizilgen sot júıesin (barlyq memlekettik organdar shyǵyndarynyń jalpy somasynan keminde 6,5%-y) qarjylandyrýdyń jańa modeli aıasynda júzege asyrylady.
Konstıtýsııanyń 61-babyna sáıkes engizilgen túzetýler boıynsha qabyldanǵan Úkimettiń oń qorytyndysy Májiliste zań jobalaryna odan ári bastamashylyq jasaý úshin Parlament depýtattaryna joldanady.