Jańa jyldan bastap mobıldi aýdarymdarǵa shekteý qoıylady. Pılottyq joba sheńberinde 3 aıdyń ishinde bir kartadan tek qana 100 aýdarym ǵana tegin jasaýǵa ruqsat etilmek, dep habarlaıdy Egemen.kz Qarjy mınıstrligine silteme jasap.
Kásipkerlik qyzmet sıpatyndaǵy mobıldi aýdarymdarǵa salyq salýdy qamtamasyz etýdi kózdeıtin zań jobasy ótken jyly qabyldanǵan. Bul sharanyń negizgi maqsaty «kóleńkeli ekonomıkanyń» úlesin azaıtý.
Sondyqtan kásipkerler arnaıy karta, shot ashyp kásibin zańdastyrýǵa mindetteledi. Bul óz kezeginde salyq tóleýge negiz bolmaq.
Qarjy mınıstriniń málimetinshe, uıaly telefon arqyly jıi aqsha aýdaratyn tulǵalar baqylaýǵa alynyp, tekseriledi. Bul sanatqa táýekel bıznesi bar adamdar ıaǵnı, dúken, taksı jáne t.b. ıaǵnı tikeleı bıznespen aınalysatyn azamattar jatady.
Aıta keterligi, týystary nemese áriptesteri arasyndaǵy aýdarymdarǵa salyq salynbaıdy.