Astanada úzdik ýchaskelik ınspektor anyqtaldy. Bul týraly qala ákimi Jeńis Qasymbek Instagram paraqshasynda málim etti, dep habarlaıdy Egemen.kz.
Kóptegen adamdardy qaýipten qutqaryp júrgen ýchaskelik qyzmetkerlerdiń jumysy kúrdeli, jaýapty ári mańyzdy ekenin atap ótken qala ákimi elordanyń úzdik ýchaskelik ınspektoryn anyqtaıtyn konkýrsta atalǵan ataqqa Asqar Papyshev ıe bolǵanyn jazdy.
Belgili bolǵandaı, Asqar Papyshev bıyl birneshe balanyń jáne áıel adamnyń 9-qabattan qulap ketýine jol bermeı, úlken qaýipten qutqaryp qalǵan, atalǵan áreket onyń batyl qadamdarynyń biri ǵana.
«Memleket basshysy jergilikti polısııa qyzmetin reformalaý aıasynda quqyq buzýshylyqtyń aldyn alý salasyndaǵy negizgi býyn bolyp sanalatyn ýchaskelik polısııa ınspektorlarynyń róli zor ekenin atap ótti. Qalalyq Polısııa departamentimen birlesip, materıaldyq-tehnıkalyq bazany, ýchaskelik pýnkterdi, qyzmetkerlerdiń eńbek jaǵdaıyn jaqsartý, ýchaskelik ınspektorlar sanyn kóbeıtý sekildi taǵy basqa jumystardy jalǵastyramyz», dep jazdy Jeńis Qasymbek.