Búgin Abaı oblystyq Mádenıet, tilderdi damytý jáne arhıv isteri basqarmasynyń jáne Ámire Qashaýbaev atyndaǵy oblystyq fılarmonııanyń uıymdastyrýymen «Jalǵyz arsha» atty dástúrli án baıqaýy bastaldy, dep jazady Egemen.kz.
Baıqaýǵa Astana, Almaty, Pavlodar, Jetisý, BQO, ShQO jáne Abaı oblysynyń aýdandarynan dástúrli án ónerinde baq synap júrgen talanttar qatysyp jatyr. Qazylar alqasynyń tóraǵasy — Qazaqstannyń halyq ártisi Ramazan Stamǵazıev. Abaı jurtynyń atyn asqaqtatyp, Ámireniń esimin áýeletken án baıqaýyna iriktelgen 38 ánshi kelgeni belgili boldy. Aýqymdy ulttyq óner básekesiniń qorytyndysy erteń, 18 jeltoqsan kúni Abaı teatrynda jarııalanatyn bolady. «Myńnan tulpar, júzden júırik» bolyp bas júldeni enshilegen ánshige 1 000 000 teńge tabys etiletin bolady.