Kelesi jyly Almatyda shossedegi velosporttan Azııa chempıonaty ótedi, dep habarlaıdy Egemen.kz Velosport federasııasynyń baspasóz qyzmetine silteme jasap.
Astanada Velosport federasııasynyń uıymdastyrýymen ótken forýmda sportshylardyń bıylǵy jetistigi saralanyp, keler jyldyń jospary aıqyndaldy. Qurlyq chempıonaty 5-12 maýsym aralyǵynda ótetin boldy.
Básekelestikti nyǵaıtyp, sanǵa emes, sapaǵa basymdyq berý maqsatynda federasııa basshylyǵy kelesi jyly sporttyq sharalardy qysqartýdy qolǵa alatynyn aıtty. Mańyzy tómen saıys uıymdastyrý qarjyny jelge ushyrýdan basqa paıda ákelmeıtindikten osyndaı qadam jasalmaq.