Depýtat Amanjol Áltaı Akon-ǵa dombyra syılaǵandardy synǵa aldy. Májilis depýtaty Qazaqstanǵa keletin sheteldik ánshilerge talap qoıý kerektigin aıtyp, Úkimetke saýal joldady, dep habarlaıdy Egemen.kz.
Depýtattyń aıtýynsha, jastarymyz TikTok pen Instagram-nyń tutqynyna aınalyp, ulttyq tárbıe ónegesinen ajyrap barady.
«Kúni keshe ǵana Astanada ótken Akon-nyń konsertinde jankúıer jastar tómen moraldyq minez-qulyq kórsetti, elimizdiń bedeline nuqsan keltirdi. Al uıymdastyrýshylardyń ánshini ulttyq kıimmen qarsy alyp, dombyra syılaǵandary tipten orynsyz dep sanaımyn. Ulttyq mýzykalyq muramyzdyń sımvoly - qasıetti dombyrany áıelderdi qorlaýdy nasıhattaýdyń aıqyn sıpatyna ıe «Smack that», «hypnotiser» sııaqty ánderdi oryndaıtyn ánshige berý – paryqsyzdyq, ulttyq qundylyqtardy tabanǵa taptaý dep qabyldaımyn», dedi depýtat.