Qazaqstanda Migration.enbek.kz kóshi-qon resýrstary portaly iske qosyldy. Ol kóshi-qon salasynda kórsetiletin memlekettik qyzmetterdiń sapasyn arttyrýǵa múmkindik beredi, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Migration portaly – bıznes-prosesterdi reınjınırıngteý jáne kóshi-qon salasyndaǵy memlekettik organdardyń aqparattyq júıeleriniń ózara is-qımylyn damytý jolymen qurylǵan ınnovasııalyq platforma.
Shetel azamattary týraly aqparatty ortalyqtandyrý jáne birizdendirý kóshi-qon prosesteriniń ártúrli kezeńderin sınhrondaýǵa, derekterdi tıimdirek basqarýǵa, olardy óńdeý merzimderi men shyǵyndaryn qysqartýǵa múmkindik beredi.
Portalda kóshi-qon salasyndaǵy memlekettik qyzmetterdiń keń spektri bar. Atap aıtsaq, «qandas» mártebesin berý, qonys aýdarýshylar men qandastardy qabyldaýdyń óńirlik kvotasyna engizý, «Ata joly» kartasyn berý, pana izdeýshi adam kýáligin alý jáne t. b.